ചലിക്കുന്ന ഇലകള്‍

              ഇടുക്കി എന്റെ നാട്, ഭാരതത്തിന്റെ വാലറ്റത്തായി കിടക്കുന്ന ദൈവത്തിന്റെ സ്വന്തം നാട്ടിലെ ദൈവത്തിന്റെ സ്വന്തം ഭൂമി. അത്രക്കും മനോഹാരിതയും വൈവിധ്യവും എന്റെ നാടിനു ഈശ്വരന്‍ വാരിക്കോരി തന്നിട്ടുണ്ട്. അതിന്റെ വന്യമായ സൌന്ദര്യവും വൈചിത്ര്യങ്ങളും മറ്റുള്ളവരെ അറിയിക്കുക, അതിനു വേണ്ടിയുള്ള ഒരു ചെറിയ ശ്രമം. എല്ലാവരുടെയും പ്രോത്സാഹനം പ്രതീക്ഷിച്ചുകൊണ്ട് തുടങ്ങുന്നു.
                  കഴിഞ്ഞ ദിവസം എന്റെ മുറിയിലേക്ക് അതിക്രമിച്ചു കയറിവന്ന ഒരു വിചിത്ര രൂപിയില്‍ നിന്നാവട്ടെ തുടക്കം. ഇവന്റെ ശാസ്ത്ര നാമമോ ഒന്നും എനിക്കറിയില്ല. അറിയാവുന്നവര്‍ പറയുക. ഞങ്ങളുടെ നാട്ടില്‍ ഇലപ്രാണി എന്ന് പറയും. കശുമാവിന്റെ ഇലയില്‍ കേട് വീണതുപോലുള്ള ആകാരം മൂലം നമ്മുടെ പാവം സുഹൃത്തിനെ പച്ചിലകള്‍ക്കിടയില്‍ നിന്നും കണ്ടെത്തുക അതീവ ദുഷ്കരം. വല്ലപ്പോഴും പുറത്തു ചാടുമ്പോള്‍ മാത്രം കാണാന്‍ പറ്റും. നിങ്ങളും ഒന്ന് കണ്ട് അഭിപ്രായം പറയുക. പാവത്തിന്റെ മുന്കാലില്‍ ഒരെണ്ണം മുറിഞ്ഞു പോയി.

 

കൂടുതല്‍ വിവരം
ഇംഗ്ലീഷ് പേര്:  leaf insects or walking leaves
കുടുംബം:family Phylliidae
ആവാസ കേന്ദ്രങ്ങള്‍:  Southeast Asia to Australia.
കൂടുതല്‍ വിവരങ്ങള്‍ക്ക്:
en.wikipedia.org , encyclopedia.com